Video / Manşet
12-08-2020, 03:27
1 600
"Otur aşağı...səndən general olmaz" cənab Xəqani Cəbrayılov-Xəqani Cəbrayılov yoxsa Cəbrayıl Xəqaniyev?-VİDEO
İllər öncə Sovet İttifaqi Qəhrəmanı, general-mayor Həzi Aslanov haqqında bir rus generalının dediklərini heç vaxt unutmuram. Qoca rus generalı deyirdi ki, Hərbi Akademiyada oxuyarkən Həzi Aslanovun məruzə zamanı eşitdiyim əzəmətli səsini 50 ildir unuda bilmirəm. Dastanlarımızda əbəs yerə demirlər ki, Koroğlu nərə çəkdi. Bəli, qəhrəmanların, generalların, sərkərdələrin səsi də əzəmətli olmalıdır. Bir müdrik dostumuz da deyirdi ki, qaranlıqda 2 hərbçi gəlsə hansının general, hansının sıravi olduğunu deyəbilərəm, çünki generalın qaməti, yerişi qaranlıqda da aydın görünür. Bütün bunları nə üçün yazıram ? Azərbaycan Prezidenti, Ali Baş Komandan İlham Əliyev cənabları bir qrup yüksək çinli hərbçiləri, generalları qəbul edərkən ürəyimcə olmayan bir məqam oldu. Hərbçilər növbə ilə ad və soyadlarını deyərək cənab Ali Baş Komandanı salamlayır və keçirdilər. Növbə general-mayor Xəqani Cəbrayılova çatanda ... Bəli, general nazik-cır səslə salam verdi və ən dəhşətlisi odur ki, adını və soyadını səhv salaraq Xəqaniyev Cəbrayil...Cəbrayıl Xəqaniyev deyərək halımi qarışdırdı. Sözün düzü, generalın bu salamı, duruşu, səsi məni çox məyus etdi. Rəsmi tədbirdə özünü itirən, çaş-baş qalan, ad ilə soyadını qarışdıran ( yaxşı ki atasının adını demədi ) generalın döyüş meydanında, tankların, raketlərin nəriltisi altında özünü necə aparacağı gözümün önünə gəldi. Və yadıma bir məqam düşdü. 1993-cü ildə Ulu Öndər Heydər Əliyev cənabları güc nazirlərini qaldırıb sorğu-sual edirdi. Növbə Milli Təhlükəsizlik Naziri general Fəxrəddin Təhməzova çatanda cənab nazirin dili-dodağı dolaşdı, özünü itirdi... Cənab Heydər Əliyev sərt şəkildə ona " Otur aşağı..səndən general olmaz.. " dedi. Qoy nəticəni cənab Xəqani Cəbrayılov özü çıxartsın. Və gözünün önünə sıravi əsgərin üsrünə bağırmasını gətirsin.
